Nongstoiñ, Risaw 05
Kan dei ka sien kaba nyng -kong eh ïa ka Mawshyn-rut Civil Sub Division ba kan ïoh ïa ka madan ïalehkai ba la siang da u phlang plastik ïa kaba la tip kum ka ‘Highway Futsal Porshiah’ bad ïa kane ka madan la plie da u Dr. Lucky Marbaniang ha ka sngi Saitjaiñ.
Ïa kane ka madan Futsal la tei bad shna ha kawei na ki jaka kaba dang -hap hapoh ka shnong Porshiah jong ka Maw-shynrut Civil Sub Division harud jong ka surok bah Nongstoiñ-Tura.
Nalor u Kongsan la ïadon lang ruh ha katei ka sngi u Bah Sping Mawlieh uba dei u trai jong katei ka madan Futsal, u sordar ka shnong Porshiah kiba haïing hasem ki riew rangbah jong katei ka thaiñ bad kiwei kiwei.
Shuh shuh ha katei ka sngi, kum ka dak jong ka jingplie ïa ka madan u kongsan u la ïoh ruh ban khap ïa u ribon, kumjuh ruh la pynlong ruh ïa ka jingïalehkai paralok hapdeng ka kynhun ïalehkai jong ka Mawshynrut Veteran pyrshah ïa ka MLG, Nongstoiñ ha kaba ka kynhun ïalehkai jong ka MLG, Senior Nong-stoiñ ka la ïoh ban khur ïa ka jingjop da kaba ka la pynliem noh da 4-1 kol ïa ka Mawshynrut Veteran.
U kongsan haba ai jingkren ha katei ka sngi, u la ong ba ka jingdon ïa ki madan Futsal ka plie lad ïa ki rangbah bad kumjuh ïa ki rangïalehkai ba la shong thait ban ïoh ïalehkai biang na ka bynta ka koit ka khiah bad lyngba ka jingïa-lehkai Futsal, ka pynlong ruh ban ïa ithuh ithaw bad ïa ïeid ïa jan para dong para thaiñ bad kaba kongsan eh ka long ba ka jingpynbun kam ha ki jingïalehkai ka pyllait ïa kiba bun ki khun samla na ki jingmien kiba sniew bad khamtam na ki jingdih ba pynbuaid.
