Gaza Strip, Risaw:
U Hussein al-Sheikh, uba long u Vice-President jong ka Palestine Authority (PA), u ong ba u pdiang sngewbha ïa ka “jingpynbna jong U Trump ban sangeh noh ia ka thma, bad ki jingkren ba bha jong ka Hamas”.
Ha ka jingthoh halor u X, u ong ruh ba ka PA ka long kaba la pynkhreh ban trei na ka bynta ka jingsangeh thma, ka jingpyllait ïa ki nongshah rahbor bad ki koidi, ka jingrung jong ki jingïarap briew sha Gaza, “ka jingmih noh pura jong ka Israel na ka Gaza Strip, bad ka jingkylla sha ka lynti saiñ hima sima halor ka nongrim jong ka jingpynbeit jong ki ar tylli ki ri”.
Ka dang don ka lad ban ïaid, watla katta, shwa ba kano kano ne baroh kine kin jia, namar katba ka Hamas ka la ong ba ka mynjur ïa ka jingthmu jingsuk ha ka nongrim, ka kynhun ka kwah ïa ki jingkylla ha ka, bad ki katto katne ki kyndon kiba dei ban pyndep.
