Khliehriat, Risaw 06
Ka Lumtong SC ka la jam sha ka semi-final ha ka lympung ïalehkai 2nd Division Football Tournament ba la pynïaid da ka Saipung Block Sports Association (SBSA), hadien ba ka la pynliem noh ïa ka Lumshyrngan lyngba ka tie-breaker da 3-0 kol ha ka lah sngi U Blei.
Ha ka jingïalehkai quarter final kaba la long ha madan Lamyrsiang baroh ar ki kynhun kim shym la lah ban pynkhih jar haduh kaba kut ka jingïalehkai.
Haba phai sha ka 1st Division, ka Evanylla SC ka la pynliem noh ïa ka Lumsohshram SC da 2-0 kol. Ïa kine la thep da u Deibhawon Tangliang ha ka minit kaba 14 bad u Bhabok Nongrum (28).
Kham hashwa, ka Lelad SC bad ka Lumthari ka la kut ha ka jingïakhaid hadien ba kim shym la lah ban pynkhih jar.
