Shillong, Risaw 06
Ka Meghalaya Athletics Association (MAA) ka la sei 12 ngut ki nongïaleh-kai ki ban mihkhmat ïa ka Jylla ha ka 40th National Junior Athletics Champion -ship 2025 ka ban long ha Bhubaneahwar, Odisha naduh 10 haduh 14 tarik mynta u bnai.
Kine ki kynthup ïa 3 ki khynnah shynrang bad 9 ngut ki kynthei.
“Ka jingjied ïa kine ki nongïalehkai ka long kat kum ka jinglah ban ïaleh-kai bha ha ka East Zone Junior Athletics Cham-pionship 2025 kaba la long dangshen ha Ranchi, Jharkhand,” la pynpaw kat kum ka kyrwoh ba la pyllait da u Pleasantly Synnah, Joint Secretary katei ka synjuk.
Kine ki khynnah ïaleh -kai ki long u Renaldi Dhar (100m & LJ U-20 Boys), Henry Yoga A Sangma (100m & 200m U-18Boys), Highbornson Muksor (60m U-16 Boys), Enriyana G. Momin (60m & LJ U-16 Girls), Rukini RT Dkhar (600m U-16 Girls), Turoi Phawa (60m & LJ U-16 Girls), Tusume Marak (JT & LJ U-16 Girls), Ibapalei Shyrkon (HJ U-16 Girls), Sibilda Maring (HJ U-18 Girls), Anrisha Klein (HJ U-20 Girls), Balasiewdor Pathaw (3000m U-20 Girls) bad ka Damika R Lyngdoh (200m U-20 Girls).
“Kiba bun na kine ki khynnah ki dei kiba la khur takma ha ka East Zone Championship kaba la kut dangshen, te kumta ngi khmih lynti ba kin lah ban ïalehkai bha bad ban khur katto katne ki takma na kane ka lympung ka ban long ha Bhubaneahwar,” la ong ka kyrwoh.
Te kumta hashwa ba kane ka kynhun kan mih na ka nongbah, na ka liang ka MAA ka la pynlong ïa ka jingïalang ha ka lah sngi U Blei ban ai ka jingkitbok kitrwiang ryngkat ki jing-kyrkhu kyrdoh ïa katei ka kynhun. Ha kane ka jingïalang la don lang ruh ki nongïalam ka MAA ba kynthup ïa u Bah Patrick Lamare, Joint Secretary, Bah Dipshon Ryntathiang, Vice President, Kong Daisy Marweiñ, Sr. Joint Secre -tary bad kiwei ki dkhot.
Ïa kane ka kynhun yn ïalam da u Pleasantly Synnah (Head Coach & Manager), kumjuh u Amin Kharkongor (Coach) bad Shreya Thapa (Physio).
