Khliehriat, Risaw 07
Ïa ka metïap jong uwei u rangbah uba la jah na la ïing, la lap noh na kawei ka thliew dewïong kaba khlem pyndonkam shuh kaba don ha ka shnong Shyrwang ha East Jaiñtia Hills District ha ka 6 tarik mynta u bnai.
Une u rangbah u dei uba la tip kyrteng kum u Justine Pakem na ka shnong Lumthari ha East Jaiñtia Hills District bad u la jah naduh ka 24 tarik u Nailur, 2025.
Ki bahaïing jong une u rangbah ki la suba jur ba utei u rangbah u la shah pynïap dusmon namar ba u don ïa ki dak ki shin mong ha ryndang, ha khlieh bad ka jingkdiah ha ka kjat.
Halor kane ka jingjah jong utei u rangbah ki bahaïing ha ka 26 tarik Nailur ki la buh da ka ejahar ha Mooriap Border Outpost bad ki la ïa wad ruh ïa utei u rangbah, bad dei tad haduh hynnin ka sngi, ba ki bahaïing ki la lap ïa ka metïap jong utei u rangbah.
