Shillong, Risaw 07
Ka Full Gospel Fellow-ship Church ka pyntip ba kan pynlong ïa ka “Good News Meeting” ha ka 11 bad 12 tarik Risaw 2025 ha madan Golflinks, Shillong.
Ha kane ka Good News Meeting u nongrwai ba paw ka Bollywood u Vijay Benedict uba ju rwai ha ki snem 90, u ba la rwai ruh ïa ka jingrwai ba pawnam bha kaba la ai kyrteng, “I am a Disco Dancer” un rwai bad kren ha kane ka jingïaseng.
Ha ka sngi Saitjaiñ ka por long jingïaseng kan long ha ka por 4 baje janmiet, katba ha ka sngi u Blei ka por long jingïaseng kan long ha ka por 10 baje mynstep, 1.30 mynsngi bad 5 baje janmiet.
Kumta ka Full Gospel Fellowship Church ka khot sngewbha ïa baroh ban ïa wan sha katei ka jingïaseng.
