Nongstoiñ, Risaw 08
U Deputy Commissioner ka West Khasi Hills District, u Bah Garod LSN Dykes, IAS u la pyntip ba ka Sorkar Meghalaya lyngba ka tnat Jngohkai Pyrthei ka la pynjlan ïa ka por ban thep ïa ki aplekshon na ka bynta ka skhim Chief Minister Meghalaya Hospitality Scholarship 2025 shaduh ka 10 tarik Risaw 2025 (sngi Thohdieng) haduh ka por 5 baje janmiet.
Ha ka kyrwoh khubor, u DC u la ong ruh ba kane ka jingpynjlan por ka long hadien ka jingpynbna jong ka tnat kaba kham mynshwa.
Shuh shuh u la pynpaw ruh ba ka rukom thep aplikeshon ka long ba kiba thep offline ïa ki aplikeshon phom lah ban ïoh lyngba ka https://tinyurl.com/ihmscholarshindocs bad na ki Block Development Office bad phah ïa ki phom kiba la pyndap pura ha ki ophis BDO. Katba kiba thep online pat thep hapoh kane ka website https://tinyurl.com/ihmscholarshipmcgh.
Ka khubor na u DC ka kyntu jur ïa ki nongaplai ba kin pynthikna ba ïa ki phom ba la pyndap jong ki ryngkat bad baroh ki kot ki sla kiba donkam dei ban ai ha ka por ne shwa ka por ba la pynjlan, bad baroh kiwei pat ki kyndon bad ki jingpynbeit ba la kdew mynshuwa ki dang sah kumjuh.
Na ka bynta ki jingtip kiba kham bniah bad kiwei-kiwei ki jingdonkam, ki nongaplai ki lah ban leit sha la ki jong ki jong ki Block Development Office lane lyngba ka website www.meghalayatourism.in.
