Jowai, Risaw 08
Ka Dorbar Shnong Lapangap ka la aipor ar sngi ïa ka Sorkar Jylla ban pyrkhat halor ka jingbym ïohlad ki nongshong shnong ban ot kba bad maham ruh ban hiar leit ot kba ha ka 9 tarik mynta u bnai lada ka Sorkar ka shim por ban pyrkhat.
Ïa kane ka rai la shim ha ka jingshong Dorbar kaba la long ha ka step 7 tarik Risaw.
Haba ïakren bad u Waheh Shnong ka Lapangap u Ma Deimonmi Lyngdoh u la ïathuh ba kane ka jingshong Dorbar ka la wan hadien ba ka Socheng Amreng Border Development Committee ha ka 6 tarik Risaw ka la buh lai tylli ki kyndon ïa ki nongshong shnong ka Lapangap kata ban shah ïa ki ban thung dieng biang, ban register ki jaka puta sha Assam bad ban shah ban thung maw pud maw sam shwa ba kin shah ïa ki Lapangap ban ot kba da ka jingsuk khlem jingpynthut.
U la ïathuh ba na ka liang ki nongïalam shnong ka Lapangap kila kyntait mardor ban pdiang ïa kine ki kyndon. U la pyntip ruh ba ka Dorbar Shnong Lapangap kala khang pyrshah ïa ki nongïalam shnong ban ïashim bynta ha ka Peace Committee lada ki nong Karbi ki buh kyndon biang.
