Shillong, Risaw 08
Ki Pulit jong ka Anti Narcotic Task Force (ANTF) kila kem noh ïa kawei ka longkmie ba khaïi drok na Them Metor bad ïoh kurup ïa u drok ba khia haduh 32.73 gram.
Katkum ka khubor, ki Pulit kila ïoh jingtip ïa ka jingdon ka nongkhaïi drok ha Them Metor bad mar-mar kila pynlong ïa ka jingkhynra ïa ka ïingsah jong ka Asia Begum, ba dang 24 snem, kurim u Antaf Ali ba sah ha Ajmera Punjabi lane ha ka por 1:30 baje mynstep.
Ha kane ka jingkhynra, ki pulit kila ïoh kurup ïa lai tylli ki synduk sabon ba thep ïa u drok heroin uba khia kumba 32.73 gram.
Ki pulit kila kem ïa kane ka briew bad la aiti noh sha ki pulit ka Cantonment. Ki la ujor ruh da ka ejahar bad la register case hapoh ki kyndon ka NDPS Act.
