Khliehriat, Risaw 08
Ka Mokhain SC, Sakhaiñ Mooliment SC bad Jai Jai United ki la rung sha ka semifinal jong ka lympung ïalehkai 2nd Division Football Tournament ba la pynïaid da ka Saipung Block Sports Association (SBSA).
Ha ka jingïalehkai quarter final kaba la long ha ka sngi Balang ha madan Lamyrsiang, ka Mokhain SC ka la pynliem noh ïa ka Moolamylliang SA&SC lyngba ka tie-breaker da 4-3 kol hadien ba kim shym la lah ban pynkhih jar.
Ha ka jingïalehkai kaba bud, ka Sukhaiñ Mooliment SC ka la jop ïa ka War United lyngba ka tie-breaker da 4-3 kol hadien ba ki la ïakhaid mar shi kol.
Haba phai sha ka jingïalehkai quarter final kaba khatduh, ka Jai Jai United ka la pynliem ïa ka Tluh United da 2-0 kol bad ïa kine la thep da u Reywilson Rymbai ha ka minit kaba 6 bad 38.
