Jowai, Risaw 09
Ka Lumpyrtuh Mihmyntdu ka la rung sha ka phainal jong ka 2nd Division Football Tournament-8th Debo Shullai Memorial Trophy, hadien ba ka la pynliem noh ïa ka Lumbhahdakha Wahïajer lyngba ka shi kol ba la thep da u Arwanki Rymbai ha ka minit kaba 60 ha ka semi final kaba la long ha Kiang Nangbah Stadium, Jowai.
Lyngba kane ka jingjop ka Lumpyrtuh Mihmyntdu kan ïaknieh ïa ka nam lahduh pyrshah ïa ka Khliehmyntang Ïalong ha ka jingïakhun final ka ban long ha ka 11 tarik mynta u bnai.
