Jowai, Risaw 09
Ka lympung ïalehkai ‘1st Women League Football Tournament 2025’ ba la pynïaid da ka West Jaiñtia District Sports Association (WJDSA) kan sdang ha ka sngi Thohdieng ha Kiang Nangbah Stadium, Jowai.
Ha kane ka lympung la don 7 tylli ki kynhun ki ban ïashim bynta kynthup ka Sabahmuswang SC, 7 Wasa United, Catholic Youth SC, Ladthadlaboh SC, Carpe-Dien FC, QC. S Women Football Club bad Spahmariang SC.
Ha kane ka sngi sdang ka jingïakhun kan long hapdeng ka Sabahmuswang SC pyrshah ïa ka 7 Wasa United ha ka por 11 baje mynstep, kumjuh ka Catholic Youth SC ïa ka Lathadlaboh SC ha ka por 12:30 mynsngi bad ka Carpe-Dien FC ïa ka Q.C.S Women Football Club ha ka por 2 baje nohphai sngi.
