Shillong, Risaw 10
Ka ïing ka sem jong u heprit Kyrshanbor Kharmudai u ba la khlad noh na ka jingshah pynïap ha ki riew thrang snam hadien ba u la jah na ïing ha ka 8 tarik Risaw 2025, ki la leh burom khatduh ïa ka met jong u ha ka sngi Thohdieng ka 10 tarik Risaw 2025 ha shwa ban leit ontep ha u lum jingtep jong ka shnong Nongrah.
Ha kane ka sngi ki la don da ki spah ngut ki paidbah kiba na jan bad na jngai kiba la wan sngewlem ha ïingsah u heprit ha Nongrah Lummarboh ha kane ka sngi leh burom khatduh ïa u.
La pynïaid ïa ka jinglehburom khatduh ïa u heprit Kyrshanbor da ka shnong Nongrah ryngkat ka jingkren na ka ïing bad ki kyntien kyrkhu kyrdoh na ka shnong ban sngewlem na ka bynta kiba haïing ha sem u heprit.
Hadien ka jingleh burom ba khatduh ha ïingsah la rah noh ïa ka met ba sah u heprit ban leit ontep sha u lum jingtep jong ka shnong Nongrah.
