Jowai, Risaw 10
Ka Carpe-dien FC bad 7 Wasa United kila jop kput ha ka sngi sdang jong ka lympung ïalehkai ki kynthei kaba tip kum ka ‘1st Women League Football Tournament 2025’ ba la pynïaid da ka West Jaintia Hills District Sports Association (WJDSA) ha madan Kiang Nangbah Stadium, Jowai ha ka 10 tarik Risaw.
Haba phai sha ka jingïalehkai, ka Nidaroi Biam kala khyrwit da ka hat trick kaba la pynlong ïa ka 7 Wasa United ba kan pynliem da 7-0 kol ïa ka Sabahmuswang.
Ka Nidaroi Biam kala thep ïa kitei ki kol ha ka minit ba 12 ,16 & 41, ka Phyrnai Phawa 13 & 29 bad Amethis R Darnei 50 & 55.
Haka jingïalehkai kaba bud, ka Carpe-Dien FC kala pynliem kput da 12-0 kol ïa ka Q.C.S Women FC.
Ïa ki kol jong ka Carpe-Dien FC la thep da ka Peacefull Pohplet 3, Daphi Dkhar 9, Baiarbha Nongrum 15 & 60, Wailutmitre Pohleng (own goal) 18, Deigracia Dan 25, Elizabeth Thianglai 29, Ibanetilut Shylla 39 & 57, Glorify Lakiang 43, bad Saphika Pyrtuh 52 & 54.
