Jowai, Risaw 10
Ka Friends United kala khur jingjop katba ka Ummulong bad Namdong-B ki la ïakhaid ha ka jingïalehkai 1st Division Football Tournament ba la pynïaid da ka Thadlaskein Sports Association (TSA).
Ïa kane ka lympung ïalehkai la pynlong ha madan Multi Sports Complex, Wahiajer ha ka 10 tarik Risaw.
Haba phai sha ka jingïalehkai, ka Friends United ka la jop da 2-1 kol ïa ka Malngiang SC. Ïa ki kol jong ka Friends United la thep da u Daochwa Dkhar 27, 76 bad ïa ka kol ka Malngiang SC la thep da u Nibiang Phawa 47.
Shwa kane ka jingïalehkai hapdeng ka Ummulong bad Namdong-B kala kut da ka jingïakhaid kaba mar 1-1 kol.
Ïa ka kol jong ka Ummulong la thep da u Lamphrang Dkhar 13 bad ïa ka Namdong-B la thep da u Dramos Phawa.
Lashai ka sngi, ka jingïalehkai kan long hapdeng ka Tyrchang SC bad Lumsharatoh SC ha ka por 12:30 baje mynsngi, ka Maya SC bad Dongmihsngi SC haka por 2:30 baje nohphai sngi.
