Shillong, Risaw 10
Ka jingïalehkai jong ka lympung SSA 1st Division Football league 2025 mynta ka 10 Risaw 2025 ka la long hapdeng ka Nongkseh SC pyrshah ïa ka Lawsohtun SC ha ka por 1:30 shiteng sngi ha madan SSA Ground.
Ka Nongkseh SC ka la jop kput da 9 – 0 kol ïa ka Lawsohtun SC. Ïa ki kol la thep da u Blasha Nongkynrih ha ka minit ba 32, Shano Tariang (45+2 & 60), Banpynkhrawnam Nongkhlaw (49), Kynsaibor Lhuid (54 & 84), Hardy Cliff Nongbri (70), Khrawkupar Jana (81), Chesterpaul Lyngdoh (83).
Ka jingïalehkai ha ka 11 Risaw 2025 jong kane ka juh ka lympung ïalehkai kan long hapdeng ka MLP FT pyrshah ïa ka Mawtawar SC ha ka por 1:30 shiteng sngi ha kajuh ka jaka ha madan SSA Ground.
