Shillong, Risaw 12
Ki ar ngut ki briew kiba ym lah ban ithuh satia ki la ïoh ban kam ei ka pisa kaba la kot palat lak tyngka da kaba leh thok ha ki kor ATM kiba don ha kylleng ka nongbah Shillong.
Katkum ka khubor kaba la ïoh na ki pulit la ong ba u Pauliansang Tonsing u la ai ka jingujor sha ki pulit ba ha ka 21 tarik u Nailur, 2025 ha ka por kumba 9.55 mynmiet, ar ngut ki briew bym ithuh dur ki la pynthut bad leh thok bad ka bynta ba pynmih pisa jong ka ATM kaba don ha Madanrting Branch, Shillong bad hadien ki la leh ban ai jingujor thok pat ba kim shym la ïoh pdiang ïa ka pisa kaba long T.9500.
Shuh shuh, la ong ba kine ki ar ngut ki briew ki la leh ruh ïa kum kane ka kam thok kam shukor ha kiba bun tylli ki ATM kiba don ha nongbah Shillong bad ban ïoh kam ei ïa ka pisa kaba long haduh T.1,70,500/-.
