Jowai, Risaw 12
Ka Khliehmyntang Ïalong ka la long la lahduh ha ka 2nd Division Football Tour -nament na ka bynta ka 8th Debo Shullai Memo-rial Trophy ba la pynïaid da ka West Jaiñtia District Sports Association (WJDSA).
Kane ka nam jop ka la wan urlong hadien ba ka la lah ban pynliem noh ïa ka Lumpyrtuh Mihmyn-tdu da 2-0 kol ha ka jingïakhun final kaba la long ha ka sngi Saitjaiñ ha Kiang Nangbah Stadium, Jowai.
Ïa kine ki kol la thep da u Bashanbor Pale ha ka minit 42 bad Suni Rymbai ha ka minit 80+3.
Kane ka jingïakhun ka la long kaba itynnad bad kaba ïakhaid bha, hynrei ki rangïalehkai ka Khlieh-myntang Ïalong ki la lah ban pynurlong ïa ki kabu ksiar na ka bynta ban thep kol ha baroh ar tylli ki kylla.
Ïa ka nam ‘Man of the Match’ la ïoh da u Suni Rymbai, ka nam ‘Best Goal Keeper’ ka leit sha u Seibor Rymbai baroh arngut ki dei na ka Khlieh -myntang Ïalong. Ïa ka nam Player of the Tour-nament la ïoh da u Serene Dkhar, katba ïa ka nam ‘Top Scorer’ la ioh da lai ngut ki rangïalehkai kynthup u Arwanki Rymbai na ka Lumpyrtuh Mihmyn -tdu, Bashanbor Pale na ka Khliehmyntang Ïalong bad u Shemphng Phalang-ki jong ka Ïawmulong Nartiang kiba la thep mar 6 kol.
Ïa kitei ki khusnam la sam da kiba haïing hasem jong u (L) Debo Shullai ha ryngkat ka jingdonlang u District Sports Officer Bah Khroobok Passah, Working President ka WJDSA Bah EMH Passah, General Secretary WJDSA Bah Lammat O. Laloo nalor kiwei bad la pynïaid da u Vice President WJDSA Bah Patrick Lamare.
