Shillong, Risaw 12
Ka jingshah tuh jong ki ar shaka ka dang ïai bteng na kawei ka sngi sha kawei pat bad ïa kane la sakhi lyngba ka jingshah tuh kiba dang shen na ki ar tylli ki jaka.
Katkum ka khubor kaba la ïoh na ki pulit la ong ba ka Kong Larisa Mary War ka la ai ka jingujor ba ha ka step jong ka 9 tarik mynta u bnai, ki runar bym lah ban ithuh ki la tuh ïa ka ar shaka ka jong ka, kaba don ïa u registration number ML05-AE-5485 na ka thaiñ Rani Motors, Jellishop, Nongthymmai, Shillong.
Ha kawei pat ka khubor, u Bah Ajay Syiemiong ruh u la ai ka jingujor ba ha ka 8 tarik mynta u bnai, kata dang ha ka por 2 baje mynstep, ki runar bym lah ban ithuh, ki la tuh ïa ka arshaka ka jong u, kaba don ïa u registration number ML10-C-5458 na ka jaka sah ka jong u, kaba don ha Mawtneng, Ri-Bhoi District.
