Washington, Risaw:
Ka tnat Food & Drug Administration jong ka US, ha ka Sngi Thohdieng ka la pyntikna ba ïa ki dawai jyrhoh kiba ïadei bad ka jingïap jong ki khyllung- khynnah ha India, ym shym la pynpoi ia kitei ki dawai sha America.
Ka tnat ka koit ka khiah jong ka pyrthei ka la ong ba ka India ka don ka “jingduna ha ka liang ka aiñ” kaba dei ban peit bniah halor ki dawai um ba la pyniaid bad pyndonkam hapoh ka ri.
Ka US FDA ka la ong ba ka la tip ïa ki khubor ba pynjot, ba dang ïai bteng ban pynsniew ïa ka diethylene glycol bad ethylene glycol ha ki dawai jyrhoh bad dawai suhkhriat jong ki khynnah rit ha India.
Ki bor synshar jong ka India, ha ka Sngi Thohdieng, ki la ai jingmut ia ki paidbah ba kin kiar na kiwei pat ki jait dawai jyrhoh, hadien ka jingiap jong ki 17ngut ki khynnah, kiba hapoh san snem ka rta, kiba iadei bad ka jingdih ba sniew.
Namar la ong ba la bun ki khynnah kiba la khlad ha India ha kine ki taiew ba la dep hadien ba ki la dih ïa ki dawai jyrhoh kiba don ïa ka dawai diethylene glycol ba long bih, la ïathuh ki heh sorkar.
Kine ki jingiap baroh ki dei kiba iadei bad ka jait dawai Coldrif, kaba la khang noh ban pyndonkam ia ka, hadien ba la leh ia ki test bad ki jingpule bniah shaphang jongka bad la pynthikna ia ka jingkhleh ia katei ka dawai hapoh katei ka dawai jyrhoh jong ki khyllung, dei hadien ba la ioh ban peit bniah bad pule bniah bha shaphang ka jinglong- jingman jong katei ka dawai ha ka 2tarik u Risaw.
