Jowai, Risaw 13
Ka Khliehïongriang ka la pynliem ïa ka Lumïawmuchai Shangpung da 2-1 kol ha ka lympung ïalehkai 1st Division Football Tournament (13th Chatister Kharkongor Memorial Trophy) ba la pynïaid da ka West Jaiñtia District Sports Association (WJDSA) ha ka lah sngi U Blei ha Kiang Nangbah Stadium, Jowai.
Ha kane ka jingïakhun ka Khliehïongriang ka la pynkhih jar nyngkong eh lyngba u Chwa Dhar ha ka minit kaba 10. Hadien katto katne por ka Lumïawmuchai Shangpung ka la pynphai kylla lyngba u Jame Wan (23) na ka bynta ban ïakhaid mar shi kol haduh kaba kut jong ka kylla step.
Hadien ba la bteng ïa ka kylla miet ka Khliehïongriang ka la thep biang sa shi kol lyngba u Kerlang Dkhar ha ka minit kaba 48. Haduh kaba kut ka jingïalehkai ka Lumïawmuchai kam shym la lah ban pynphai bad ka la mad ïa ka jingshah rem.
