Khliehriat, Risaw 13
Ka Lumthari SC bad ka Lelad SC ki la jam sha ka semi final jong ka 1st Division Football Tournament ba la pynïaid da ka Saipung Block Sports Association (SBSA) hadien ba ki la khur jingjop ha ka lah sngi U Blei.
Ha ka jingïalehkai quarter final kaba nyngkong ha madan Lamyrsiang, ka Lumthari SC ka la pynliem noh ïa ka Krem Myrsiang da 5-0 kol. u Faster Paduh u la thep ar kol ha ka minit kaba 32 & 46, katba ïa kiwei pat la thep da u Syrpai Sukhlaiñ (26), Hynruki Suba (43) bad u Meban Sukhaiñ (64).
Haba phai sha kawei pat ka jingïalehkai, ka Lelad SC ka la jop ïa ka Khaidong SC lyngba ka tie-breaker hadien ba ki la thep mar 2-2 haduh kaba kut ka jingïalehkai.
Na ka Lelad la thep da u Satis Syrti ha ka minit kaba 8 bad u Me e Rupon (25), katba ïa ka Khaidong la thep da u Ïaineh Sukhlaiñ (20 & 35).
