Shillong, Risaw 13
Ka Shillong International Leo Expo kaba la pynlong naduh ka 3 tarik haduh ka 22 tarik u Risaw ka la kylla long ka paradais ïa ki nongieid jingbam da ka jinglum lang ïa ki jingbam trai ri bad ki jong ka pyrthei.
Nalor kine kaba la paw bha ka dei ka Big Bite Restaurant, kaba la khring ïa ki paidbah, da ki jingbam ba bunjait kiba la pyni bang kynthup ïa ki jingbam ka South India, ka Hyderabadi Biryani bad ki Kolkata Rolls. Ki nongbam ki la tuid sha katei ka jaka bam ban ïoh mad ïa kine ki jingbam ba bang.
Nalor kata ka AL LAZEEZ, ka wanrah bunjait ki jingbam ba bang na Delhi ba kynthup ïa ka Chicken Seekh Kabab, Butter Chicken Tikka, Malai Chicken Tikka, Shawarma Roll Kabab, and Afghani Tikka, Ki nongwan jngohkai ki lah ruh ban ïoh mad ïa ki jingbam tynrai jong ka Kashmir kum ka Kashmiri Wazwan, Kashmiri Kehwa, and Chicken Tikka.
Ka Shillong International Leo Expo mynta u snem ka pynïoh ïa ki nongwan peit ba kin lah ban mad ïa ki jingbam ba na kylleng ka ri India ym tang ban shu thied ïa ki tiar.
