Jowai, Risaw 14
Ka Ladthadlaboh ka la khur jingjop ha ka 1st Women League Football Tournament, katba ka Dulong ka la khur jingjop ha ka 1st Division Football Tournament na ka bynta ka 13th Chatister Kharkongor Memorial.
Ïa kine ki lympung la pynïaid da ka West Jaiñtia District Sports Association (WJDSA) ha ka sngi Ba-ar ha Kiang Nangbah Stadium, Jowai.
Ha ka jingïalehkai jong ki kynthei, ka Ladthadlaboh ka la pynliem noh ïa ka Catholic Youth da 5-0 kol. Ka Daphimon Khyriem ka la thep ar kol ha ka minit kaba 53 & 60+2, katba ïa kiwei pat la thep da ka Risaka Phawa (46), Manbhaki Sungoh (60) bad ka Lasicy Surong (60+1).
Haba phai sha ka First Division, ka Dulong ka la jop da 2-0 kol ïa ka Sabahmuswang. Ïa kine la thep da u Gideon Mukhim ha ka minit kaba 43 bad u Dawanmonmi Mynsong (86).
