Mawkyrwat, Risaw 14
Ka lympung ïalehkai 2nd Football Tournament 2025 ba la pynïaid da ka Federation of Khasi Jaiñtia & Garo People (FKJGP) Mawpud Unit ka la sdang ha ka lah sngi U Blei ha shnong Mawpud, South West Khasi Hills.
Ha kane ka sngi sdang, ka Myriaw Unit ka la khur ïa ka jingjop hadien ba ka la pynliem noh ïa ka Klur Rit FC da 4-2 kol.
Ka jingïalehkai ha kane ka sngi ka la long kaba ïakhaid bha ha kaba baroh ar kynhun kim shym la lah ban pynkhih jar haduh ban da kut ka jingïalehkai. Dei ha ka tie-breaker ba ka Myriaw Unit ka la lah ban thep 4-2 kol ïa ka liang pyrshah.
Ïa kane ka lympung la wan ban plie pyrda da u Bah Kenesjune L.Nonglait, President ka FKJGP SWKHD ha ryngkat ka jingdon lang u Bah Balse Kharbani, Secretary, ki riew Rangbah bad kiwei kiwei.
