Dr. Boss l. Marthong, New – Nongstoiñ
Ha shwa ban wan poi u Rev. Thomas Jones ha Ri Khasi uba la long u Kpa ki dak thoh khasi ABKD………. La don bun ngut ki khasi kiba la nangthoh nangpule kiba la nang la stad ha kita ki por, uwei na kita u dei u Syiem Tirot Sing Syiemlieh ka Hima Nongkhlaw (Nongkhlaw Chiefdom) katkum ki khana ki Riew tymmen ula kiew ïa ka khet syiem ha ka karta ba dang kham khynnah, ki Kñi jong u Tirot Sing na ka Kur Syiemlieh ki la don lypa ka plan ban thung ïa u pyrsa jong ki u Tirot Sing Syiemlieh kum u Syiem ka Hima Nongkhlaw bad ki la kwah ïa uba u dei ban long u Syiem uba nang ban thoh ban tar bad ban long riew pule uba nang ba stad kumta ki la buh da uwei u khar Assamese na Assam ban long u Nonghikai skul ba kyrpang ïa uba un long u Syiem ba don burom uba la nang lastad, ki da siew da ka dor ïa u ne u babu.
Ki jingpynshisha ïa kane ka long ka jingïasain agreement (The signing agreement) jong u bad ka British East India Company ha ka snem 1765 ban shah ïa ka British ban shna ïa ka surok ban pynïasoh ïa ka Guwahati bad ka Sylhet ka ban ïaid ruh lyngba ka Hima Nongkhlaw (Nongkhlaw Chiefdom) ka Sylhet ka don mynta sha Ri Bangladesh, ki phareng kim ithuh ïa ki Syiem khasi kum ki King hynrei tang kum ki Chief. Ha u snem 1829 la khie ka thma hapdeng u Syiem Tirot Sing bad ki British East India Company namar ka jingpynkhein agreement ka British da kaba leh heh lehkhraw bad leh ki kam sniew laiphew jait ïa ki kynthei ki khynnah khasi ka Hima Nongkhlaw. U Tirot Sing ula nangthoh nangpule da ki dak Assamese ka ktien lehse ka lah ban dei ki ktien Khasi Nongkhlaw ne ktien Khasi 1480 namar ym pat don ktien khasi sohra ha kita ki por. Kila don ruh bun ngut ki riewstad thoh stad pule ki khasi na ki thaiñ Shella, mynshwa ki khasi na ki thain Shella ki la long kiba la roi bha ha ka spah ka phew katkum ka jingïathuh ki kñi tymmen jong ngi namar ka jingïakhaïi pateng bad ki Dkhar Bengali ha kita ki por ka Ri India bad Pakistan ki dang long tang kawei ka ri, ki khasi na thaiñ Shella ki nang kren Bengali thik thik namar ki ïa dei kam man ka sngi ki ïa leit ïa wan laitluid. Don bun ngut ki khasi na ki thaiñ Shella kiba la nang la stad thoh bad pule namar ki ïa im lang bad ki Bengali kiba la nang la stad ha ka thoh ka pule. Ki jingpynshisha ki long ba la pynkylla khasi ïa ka Bible (Kotbah khasi ba nyngkong) sha ka ktien khasi Nong Shella namar ym pat don ktien khasi Sohra salonsar kumba long mynta. Ki Missionary Phareng ki la wan nyngkong ha thaiñ Shella ban wan ïalap ïa ki niam Khristan bad ïa ka ktien jong u Blei (Bible). ïa ki kotbah khasi ba nyngkong la thoh ha ki dak Bengali, kane ka Bible khasi ba nyngkong ka dang don haduh mynta ha ka library ha Kolkata. Katto katne ki professor khasi kiba hikai subject khasi ha ki college ki tip kham bha ïa ka jingnangthoh nangpule u Tirot Sing Syiemlieh Syiem ka Hima Nongkhlaw.
