New Delhi, Risaw:
U trai jong ka Google, u Sundar Pichai ha ka Sngi Ba-ar, u la iathuh ba u la ioh ban iakren bad u Myntri Rangbahduh ka ri India- u Narendra Modi bad u la iasam ia ki jingthmu jong katei ka company ‘Tech’ jong ka US na ka bynta ka kam AI kaba nyngkong eh jong ka ha Visakhapatnam jong ka Andhra Pradesh.
Ka Google, ka la pynbna ïa ka jaka buh data centre kaba heh bad ka shlem Artificial Intelligence ha Visakhapatnam, kaba dei ka shlem AI kaba heh tam jongka shabar jong ka US bad ka la ong ba kan bei pisa $15 billion ha India ha kine ki 5 snem ki ban wan.
Da kaba khot ia ka, kum ka “jingpynroi kaba pawnam”, u CEO uba wan na India u la ong ba kane ka jaka ka pyniasoh lang ia ka jinglah ban khein ia ka gigawatt, ka khyrdop thymmai jong ka pyrthei hapoh duriaw, bad ki jingtei ba heh jong ka bor ding.
Namar la ong ba ka Google ka la ju ïatreilang ruh bad ka Adani Group na ka bynta ka jaka pule jong ka laiñ AI. Kane ka dei ka jingbei tyngka kaba heh tam jong ka Google hapoh ka ri India.
