Jowai, Risaw 15
Ka Lion Sports & Youth Affairs ka la khur jingjop ha ka 1st Division Football Tournament ba la pynïaid da ka West Jaiñtia District Sports Association (WJDSA), hadien ba ka la pynliem noh ïa ka Nangbah Ïawmusiang da 3-0 kol ha ka sngi Balang ha Kiang Nangbah Stadium.
Ha kane ka jingïakhun ki rangïalehkai ka Lion ki la lah ban ïalehkai bha naduh kaba sdang ha kaba ka la ïoh ban pynkhih jar ha ka minit kaba 8 lyngba u Poibiang Pohshna. Kane ka kynhun ka la thep biang sa ar kol ha ka kylla miet lyngba u Edius Laloo (76) bad u Prosperwell Dhar (78) na ka bynta ban khur syndon ïa ka jingjop.
