Katkum ka Baibl shibun kiba pang ha ka por U Jisu u dang don hangne ha pyrthei la pynkhiah. ïa kiba pang iap shiliang ruh la lah ban pynkhiah. La pynkhiah de ïa uba shongksuid. La pynkhiah ïa ka kynthei kaba pang mih snam. La pynkhiah ïa uba kyllut bad uba thlun. La pynkhiah ïa u khynnah uba pang bhur. La pynpeit ïa ki khmat u Bartimaios uba matlah. La pynkhuid ïa u Naman uba ioh pang ñiangthohlieh.
La pynkhiah ïa u briew uba don u mynsiem bym khuid. La pynkhiah ïa u briew uba don ka kti kaba iap. La pynkhiah ïa uba shongksuid. La pynkhiah ïa ka briew kaba pang khrew. La pynkhiah ïa uba pang at tip. La pynpeit ïa uba matlah. La pynkhiah shibun kiba pang kum kiba pang iap shiliang, kiba matlah, kiba dkoh. La pynkhiah ïa u briew uba la kha matlah. La pynim pat ïa u Lasaros uba la ïap saw sngi ba la tep ïa u. Hato kane ka jingpynkhiah ka long kaba shisha ne ka long tang ka jinghikai niam. Namar katkum ka ktien u Blei u Jisu u la ong ha uwei u briew, ïeh ïa kiba ïap bantep ïa kiba jong ki (Loukas 9 : 60). Kane ka pyni ba ym don ba lah ban pynim biang shisien ba la ïap ne phi ong lah ban pynim ïa kiba la ïap. Namar naduh ki por mynbarim haduh kine ki sngi ym don ba lah ban pynim pat ïa kiba la ïap. Kane ka long ka jingshisha naba phai ha ka jingim jong ngi ki briew ha kane ka sla pyrthei.
C. B. Iawphniaw
