Shillong, Risaw 15
Ka Nongthymmai SC bad ka Pohkseh SC ki la ïasam mar shi point ha ka lympung ïalehkai SSA 1st Division Football League 2025, hadien ba ki la ïakhaid mar 4-4 kol ha ka sngi Balang ha SSA Stadium, Polo.
Ha kane ka jingïakhun ka Nongthymmai ka la pynkhih jar nyngkong eh lyngba u Bankitlang Diengdoh ha ka minit kaba 17. Hynrei ka Pohkseh ka la pynphai kylla haduh lai kol hashwa ban kut ka kylla step lyngba u Reinjoywell Wartde (28), Naresh Laitmon (33) bad u Mark O Wanswet (45+1).
Hadien san minit ba la bteng ïa ka jingïalehkai jong ka kylla miet ka Pohkseh ka la thep biang sa shi kol lyngba u Shiningstar Nongdhar. Hynrei ka Nongthymmai ka la pynphai kylla haduh lai kol lyngba u Mowell chyne (68), Daryll Diengdoh (83) bad u Wanshwanaki Suphai (89) na ka bynta ban ïakhaid mar saw kol.
Ka jingïalehkai ha ka sngi Palei kan long hapdeng ka Lawsohtun SC pyrshah ïa ka Ryntih SC ha ka por 1:30 mynsngi.
