Shillong, Risaw 15
Ka jingïaid lynti ka India ban ïoh rung sha ka AFC Asian Cup Saudi Arabia 2027 ka la poi sha kaba kut noh hadien ba ka la shah rem noh ha ka Singapore da 2-1 kol ha ka sngi Ba-ar ha Goa.
U Lallianzuala Chhangte u la thep kol nyngkong na ka bynta ka India ha ka minit kaba 14, hynei u Song Uiyoung (44) u la lah ban pynphai kylla ïa ka Singapore hashwa ban kut ka jingïalehkai jong ka kylla step. Une u rangïalehkai shakhmat u la thep biang ïa ka kol kaba ar ha ka minit kaba 58 bad ban pynlong ïa ka India ban mad ïa ka jingshah rem.
Lyngba kane ka jingshah rem ka la pynlong ïa ka India ban kamai tang 2 poiñ na ki saw sien ïakhun. Watla ka India ka lah ban khur jingjop ha ki ar tylli ki jingïakhun kiba dang sah, hynrei ka India kan lah ban kamai tang 8 point ha kaba kam long kaba biang pura ban ïoh rung sha kawei pat ka wat jingïakhun. Te kumta ka Singapore ne ka Hong Kong, kiba la kamai lypa 8 poiñ, ki thikna ba kin nangkiew shaphrang.
