Shillong, Risaw 15
U Myntri Rangbah ka Jylla, Conrad K Sangma u la ong ba ka jingïakren halor ka kam ïapynbeit pud hapdeng ki ar tylli ki Jylla kaba la sahteng, ka lah ban sdang biang tad ynda la dep ka ilekshon ha Assam.
Haba kren sha ki lad pathai khubor ha ka sngi Balang, u Conrad u la ong, kumba ka long mynta, ka ilekshon ban wan ha Assam ka lah ban nang pynslem ïa ka jingïakren ban pynbeit noh ïa ka jingïakajia pud ha ki hynriew tylli ki jaka ba dang sah.
Katkum ka jingong jong u, ka Sorkar ka lah ban hap ap tad hadien ka ilekshon ban pyntyllun shakhmat ïa ka jingïakren.
“Ki don bun ki khep, ngi la ïakynduh shisien lano, ngi la ïakren shisien lano, hynrei ka por ilekshon ka dei ka por ba ïabun kam bha,” ong u Conrad haba ïakren bad ki nongthoh khubor.
“Kumba ka paw, hooid, ngi lah ban nym lah pynïaid shakhmat ïa ka jingïakren ïa mynta, kumta lehse ngi hap ban ap haduh ban da kut ka ilekshon ha Assam” ong u Conrad.
