Khliehriat, Risaw 15
Ka Evanylla SC bad ka Jarain SC ki la jam sha ka semi final ha ka lympung ïalehkai 1st Division Football Tournament ba la pynïaid da ka Saipung Block Sports Association (SBSA) ha ka sngi Ba-ar.
Ha ka jingïalehkai quarter final kaba la long ha madan Lamyrsiang, ka Evanylla SC ka la pynliem noh ïa ka Sohïong SC lyngba ka tie-breaker da 4-1 kol.
Haba phai sha kawei pat ka jingïalehkai kaba bud, ka Jarain SC ka la jop da 2-1 kol ïa ka Lumsohshram SC.
Ïa ki kol ka Jarain la thep da u Jerison Kamar ha ka minit kaba 5 bad u Heibormi Lamare (18), katba na ka Lumsohshrah la thep da u Asuk Chyrmang (57).
