Shillong, Risaw 16
Ka jingïoh bat ïa ki suba nong Bangladesh napoh u pud u sam jong ka Ri bad khamtam na ki khappud jong ka Meghalaya ka la ju jia na ka por sha ka por bad ïa kane lah ban sakhi na ka jingïoh bat jong ki BSF.
Katkum ka khubor kaba la ïoh na ki pulit la ong ba ha ka 11 tarik mynta u bnai, ha ka por janmiet, ki shipai BSF jong ka BOP Muktapur ha West Jaiñtia Hills ki la leit ban aiti noh ïa ki phra ngut ki nong Bangladesh sha ki pulit ha thanad Dawki.
Ha kawei pat ka khubor la ong ba ha ka 11 tarik mynta u bnai, ha ka por kumba 10.30 mynmiet, ki shipai BSF jong ka BOP Naljuri ki la ïoh ban bat noh ïa kawei ka suba nong Bangladesh, kaba la tip kyrteng kum ka Bilkish Begum ha kawei na ki jaka kaba dang hap hapoh ka jingpeit jingkhmih jong ka thanad Dawki ha West Jaiñtia Hills.
