Shillong, Risaw 16
Ka Lawsohtun SC bad ka Ryntih SC ki la ïasam mar shi point ha ka lympung ïalehkai SSA 1st Division Football League 2025, hadien ba ki la ïakhaid mar 1-1 kol ha ka sngi Palei ha SSA Stadium, Polo.
Kine ki ar tylli ki kynhun ki dei kiba la mad ïa ka jingshah rem ha ki jingïalehkai ba la lah bad ki la don ha ki kyrdan ba shatrai jong kane ka lympung.
Ha kane ka jingïakhun, ka Lawsohtun ka la pynkhih jar nyngkong eh lyngba u Rang-dajit Rynjah ha ka minit kaba 27, hynrei u Preciousland Kharbhih (67) u la lah ban pynphai kylla ha ka kylla miet na ka bynta ban pynlong ïa ka Ryntih ban ïakhaid mar shi kol.
