Jowai, Risaw 16
Ka Tyrshang bad Dongmihsngi ki la khur jingjop ha ka 1st Division Football Tournament ba la pynïaid da ka Thadlaskeiñ Sports Association (TSA) ha ka sngi Palei ha Multi Sports Complex Wahïajer.
Ha ka jingïalehkai kaba nyngkong ka Tyrshang ka la pynliem noh ïa ka Maïa SC da 3-1. Ïa kine la thep da u Pyrkhat Tyngkra ha ka minit kaba 19, kumjuh u Johnforce Kharpomtiah (51) bad u Jerimaïa Shadap (55). Hynrei u Da o hi Pale (30) u la pynphai kylla shi kol na ka bynta ka Maïa.
Haba phai sha kawei pat ka jingïalehkai, ka Dongmihsngi SC ka la jop da 3-2 kol ïa ka Lumsharatoh SC. Ïa ki kol jong ka Dongmihsngi la thep da u Sylvester Rymbai (10 & 73), bad u Teimi Nongrum (64). Katba ka Lumsharatoh ka la pynphai kylla ar kol lyngba u Mathew Shangpung (14) bad u Eddie savio Pyngrope (23).
Ka jingïalehkai ha ka sngi Thohdieng kan long hapdeng ka Lurshai Larnai SC pyrshah ïa ka Moodymmai SC ha ka por 12:30 baje mynsngi, katba ka Khliehtyr-shi SC ïa ka The A Team ha ka por 2:30 baje nohphai sngi.
