Khliehriat, Risaw 16
Ka Saipung Block Sports Association (SBSA) kan pynlong ïa ki ar tylli ki jingïalehkai final jong ka Second Division bad 1st Women League Football Tournament, ha ka sngi Saitjaiñ.
Ka jingïakhun final jong ka Women League Football Tournament kan long hapdeng ka Daistong pyrshah ïa ka United Biate SC ha ka por 11 baje mynstep. Kat-ba ka Second Division kan long hapdeng ka Sakhaiñ Moolimen SC bad ka Jai jai United ha ka por 1:30 nohphai sngi.
Te kumta na ka liang ka SBSA ka la wer ïa ki paidbah najan najngai ban wan sakhi ïa kitei ki artylli ki jingïakhun final.
Ha ka sngi Thohdieng kan dei ka jingïalehkai semi-final jong ka First Division hapdeng ka Evanylla SC pyrshah ïa ka Lelad SC ha ka por 10:30 baje mynstep, katba ka Jarain SC ïa ka Lumthari SC ha ka por 1:30 baje nohphai sngi.
