Shillong, Risaw 16
Ka lympung ïalehkai Ranji Trophy 2025-26 (plate group), kaba dei ban ïakhun hapdeng ka Meghalaya pyrshah ïa ka Mizoram ha madan ïalehkai kriket jong ka MCA ha JN Stadium, Polo, kam shym la lah satia ban ïaid shakhmat ha ka sngi Ba-ar, hadien ba ka jinglong jingman ka madan kam shah ne ailad ïa kane ka jingïakhun ba kan jam shakhmat.
U slap uba jur ha ki khyndiat sngi shwa ban sdang kane ka jingïakhun, ka la pynlong ïa ka madan ba kan sngem, khamtam lei lei ka bynta kaba don marjan bad ka JN Stadium, Polo.
Na ka liang ki nongpeit bad ki nongshna madan, ki la pyrshang lut la ki buit ki bor ban pynrkhiang ïa ka um, hynrei ka jingïakhun ka jong ki ka long kaba eh bha namar ka jingsngem palat ka madan na ka daw jong ka jingjur palat u slap ha ki taïew kiba la lah, ka la sdang ruh wat ba kan pynjem ïa ka khyndew, kaba buh jingman lada ïa ki nongïalehkai la pynïalehkai jubor.
