Shillong, Risaw 17
U President ka Megha-laya Cricket Association (MCA) u Nababrata Bhattacharjee u la shah pynkhamti kum u Convenor jong ka zonal selection committee na ka bynta ka Senior Women’s Inter Zonal T20 Trophy 2025-26 ban pynlong da ka BCCI.
Te kumta u Naba un pynlong ïa ka jingïa-lang jong ka selection committee ha ka 21 tarik mynta u bnai ha Guwahati na ka bynta ban pynbit pynbiang ïa ka kynhun.
Ïa katei ka lympung yn pynlong ha Dimapur, Nagaland ka ban sdang naduh 4 haduh 14 tarik u Naiwieng mynta u snem.
Ha kane ka lympung kin don hynriew tylli ki zone kiba kynthup ïa ka North, South, North East, West, Central bad ka East. Ïa kane ka lympung yn pynlong ha ka dur jong ka ’round robin’ ha kaba ki ar tylli ki kynhun kiba kynsai kin ïakhun final na ka bynta ban ïaknieh ïa ka nam lahduh.
