Jowai, Risaw 17
Ka Lurshai Larnai bad ka Khliehtyrshi SC ki la khur jingjop ha ka 1st Division Football Tournament ba la pynïaid da ka Thadlaskeiñ Sports Association (TSA), hadien ba ka la pynliem noh ïa ka Moodymmai SC da 4-1 ha ka sngi Thohdieng ha Multi Sports Complex Wahïajer.
Ha ka kylla step ka Lurshai Larnai ka la lah ban thep haduh saw kol lyngba u Kynmaw Synnah ha ka minit kaba 7, kumjuh u Enforce Kharsohnoh (16), Mebanrap Shadap (31) bad u Evershine Nongrum (44). Hynrei ha ka kylla miet ka Moodymmai ka la lah ban pynphai kylla shi kol lyngba u John Slong (49).
Ha ka jingïalehkai kaba bud, ka Khliehtyrshi SC ka la pynliem noh ïa ka The A Team da 1-0 kol bad ïa kane la thep da u Khrawkupar Kharsyntiew ha ka minit kaba 56.
Ha ka sngi Saitjaiñ ka jingïalehkai kan long hapdeng ka Malngiang SC pyrshah ïa ka Namdong B ha ka por 12:30 mynsngi, katba ka Ummulong ïa ka Friends United ha ka por 2:30 nohphai sngi.
