Ban pynduh jait ïa u Drok ka long kaba eh, wat la katta ka shong ha phi ha nga ban kyntait bad kiar ban mad ïa une u jingdih pynbuaid. Namar wat ki Ri khlain bor ha pyrthei ruh ki shem jingeh ban pynduh ïa u drok. U drok u long u jait jingdih uba shyrkhei haduh katta katta. Shisien ba la ngat ha une ka long kaba eh ba phin lait na ki kynjri bad ki sai teh sai khum jong u. U long u jait jingdih uba shyrkhei bad uba pyntroiñ ïa ka jingim ïa kiba mad ïa u. Watla ngim pat ju mad ïa u hynrei haba ngi pule shaphang u drok la sngew shyrkhei haduh katta katta. Hynrei naba phai ha kito ki briew kiba la ngat ha une u drok ka jingim jong ki ka long kumba long kito kiba ïoh jingpang ïap shiliang ka met ka phad. Te ban lait na une u drok ka shong ha ka rai da lade ïa lade. Imat ban shu kem ïa kiba dih bad ïa kiba die drok kan ym lah ban pynduh jait ïa ka jingjyllei jong u drok. Kiar ka dih ïa une u drok namar u long uba sniew bad uba ktah ïa ka bor met bor phad bad ïa ka bor jabieng. Kiba sngewthuh ïa ka jingsniew jong u drok ki kiar raimaw raidieng ban mad ïa u. Nangta ka donkam de ka jingïatreilang kum ka kynhun ban rat dyngkhong ïa une u drok ha ka imlang ka sahlang. Donkam ruh ban ai jinghikai bad pynsngewthuh lyngba ki shnong ki thaw, ki dorbar shnong bad wat ki kynhun niam bapher bapher ban kiar na une u jingdih uba sniew ha ka imlang ka sahlang. Lada ngim ïatreilang ka long kaba eh ban pynduh jait ïa u drok na ka Jylla bad ka jaitbynriew.
C. B. Iawphniaw
