Shillong, Risaw 17
Ka kynhun ki ‘thei ïalehkai U-17 ka ri India ka la lah ban pynthikna ban jam sha ka AFC U-17 Women’s Asian Cup China 2026, hadien ba ka la lah ban pynliem noh ïa ka Uzbekistan da 2-1 kol ha ka jingïalehkai kaba khatduh ha ka sngi Thohdieng Dolen Omur -zakov Stadium kaba ha Bishkek.
Kane ka la wan urlong lyngba ka Thanda -moni Baskey bad ka Anushka Kumari, kiba la lah ban pynphai kylla ar kol ha ka kylla miet na ka bynta ban pynlong ïa kane ka kynhun ban bat ïa ka kyrdan ba hakhlieh ha ka Group-G.
Ha kane ka jingïa-khun baroh ar ki kynhun ki la pyrshang ban ïaleh-kai bha naduh kaba sdang namar ki donkam ban khur ïa ka jingjop. Hadien shiteng kynta ka Uzbe-kistan ka la pynkhih jar nyngkong eh lyngba ka Shakhzodo Alikhonova ha ka minit kaba 38 na ka daw ka jingbakla ka ‘thei apkol ka Munni. Kane ka shi kol ka la ïai neh haduh kaba kut jong ka kylla step.
Hadien katto katne por ba la bteng ïa ka jingïakhun jong ka kylla miet, ka India ka la lah ban pynïakhaid kylla lyngba ka Baskey ha ka minit kaba 55 hadien ba ka la ïoh ban shut ïa ka bol da kaba tyngeh. Hadien shiphew minit ka Anushka ka la ïoh ban thep ïa ka kol kaba ar na ka bynta ka India hadien ba ka la lah ban pynpra ïa ki nongïalehkai ‘dien ka Uzbekistan.
Hashwa ban wai ka Uzbekistan ka la thom naphang ban ïoh pynphai, hynrei kim shym la lah ban pynpra ïa ki nongïa-lehkai ‘dien ka India kiba la shan tyngeh haduh kaba kut bad ban khur syndon ïa ka jingjop.
Da kane ka jingjop ka India ka la ïoh ban lamkhmat ha ka Group-G da kaba kamai 6 point na ki ar sien ïakhun bad ka la ïoh jaka ban jam sha kawei pat ka wat jingïakhun ka ban long ha u snem ban wan ha China.
Kane ka jingjop ka long u mawjam ban pynsah kynmaw, namar ba ki kynhun ïalehkai U-17, U-20, bad ka kynhun ki ‘thei ïalehkai (senior) jong ka ri India ki la ïoh rung sha ki lympung ïalehkai AFC Asian Cup.
