Shillong, Risaw 17
U coach ka Chelsea u Enzo Maresca u la shah sospon na ka bynta kawei ka jing-ïalehkai ryngkat ka kuna kaba £8,000 na ka daw ka jingïaleh pyrshah ha ka jingïalehkai ha kaba ka kynhun jong u ka la jop da 2-1 kol ha ka Premier League victory pyrshah ïa ka Liverpool ha ka 4 tarik mynta u bnai, la pynbna ka Football Association ha ka sngi Balang.
Te kumta u Maresca un ym lah ban don bynta bad ka Chelsea ha ka jingïalehkai jong ka Premier League pyrshah ïa ka Nottingham Forest ha ka sngi Saitjaiñ na ka daw ka jingshah sospon.
Shuh shuh utei u manager uba na Italy u la ïohpdiang ruh ïa ki yellow card ha katei ka jingïalehkai jong ka Liverpool.
Kaba nyngkong ka dei namar ka jingpyrshah ïa ka rai penalty, katba kaba ar ka la wan ha ka minit kaba hynriew shwa ban wai namar ka jinglehkmen palat ïa ka kol ba la thep da u Estevao Willian. Katei ka synjuk ka la pynthikna ba u Maresca u la kam ïa ka jingleh pyrshah ïa ki jingkynnoh.
Ka jingjop pyrshah ïa ka Liverpool ka long kaba kongsan bha namar ka la ïarap ïa ka Chelsea ban lait na ka jingshah rem kaba lai ha kane ka lympung bad ka la kiew sha ka kyrdan kaba hynriew.
Kane ka jingjop ka la wan ha ka por kaba kongsan bha na ka bynta utei u manager, namar ba ka Chelsea ka la shah rem ha ki ar tylli ki jingïalehkai ba la lah shwa ba kan ïakhun pyrshah ïa ka Liverpool ha la ïing.
