Jowai, Risaw 17
Ki ‘riew runar ki bym ithuh dur satia ki la wan ban thang pynjulor ïa kawei ka ïingtrep jong u Bah Brolding Dkhar ha ki jaka pynthor ha ka shnong Lapangap, West Jaiñtia Hills District.
Katei ka jingjia ka dei ka jingjia kaba nyngkong eh hadien shiphew sngi jong ka jingïakynad kaba jur hapdeng ki nongshong shnong Lapangap bad ki nongshong shnong Tahpat.
Ki nongshong shnong Lapangap ki la dukha mynsiem namar ka jingbym ïoh lad satia jong ki ban ot kba haduh mynta-mynne na ka daw jong katei ka jingïakynad.
