Shillong, Risaw 17
Ka kynhun ki ‘thei ïalehkai phutbol ka India ki la wanphai ha ka nongbah Shillong ha ka sngi Thohdieng na ka bynta ban pynkhreh ïa ka lympung ïalehkai Tri Nation Senior Women Football Tournament 2025.
Ïa kane ka kynhun la pdiang burom da ki nongïalam ka Meghalaya Football Association (MFA) hapoh ka jingïalam u President Bah Hamletson Dohling ryngkat u General Secretary Bah Sunesh Syiem bad kiwei kiwei, ha Jawaharlal Nehru Stadium, Polo.
Ïa kane ka kynhun la ïalam da u Crispin Chettri kum u coach, ha kaba kan sdang ïa ka jingïalehkai kaba nyngkong ha ka 21 tarik pyrshah ïa ka Islamic Republic of Iran bad ha ka 27 tarik ïa ka Nepal. Ïa kine ki jingïalehkai yn pynlong ha ka por 6:30 janmiet.
Te kumta na ka liang ka MFA ka la ai khublei kitbok ïa kane ka kynhun ba kan ïalehkai bha ha kane ka lympung.
