Jowai, Risaw 17
Ka Carpe-Dien FC ka la khur jingjop ha ka lympung ïalehkai 1st Women League Football Tourna-ment 2025 ba la pynïaid da ka West Jaiñtia District Sports Association (WJDSA), hadien ba ka la pynliem noh ïa ka Ladthad-laboh SC da 2-0 kol ha ka sngi Thohdieng ha Kiang Nangbah Stadium, Jowai.
Ha kane ka jingïaleh-kai ka Carpe-Dien ka la lah ban ïalehkai bha naduh kaba sdang ha kaba ka la ïoh ban pyn-khih jar nyngkong lyngba ka Elizabeth Thiang -lai ha ka minit kaba 25 bad ïa kawei pat la thep da ka Peacefully Pohplet (28) na ka bynta ban khur syndon ïa ka jingjop hadien ba ka liang pyrshah kam shym la lah ban pynphai.
Ha kawei ka jingïa-lehkai hapdeng ka Spah-mariang bad ka Sabah-muswang ki la ïakhaid mar 1-1 kol. Ka Spah-mariang ka la pynkhih jar nyngkong eh lyngba ka Receive Ksoo ha ka minit kaba 14, hynrei ka Sabahmuswang ka la lah ban pynïakhaid kylla ha ka kylla miet lyngba ka Darihun Shylla (60).
Haba phai sha kawei pat ka jingïalehkai hapdeng ka 7 Wasa United bad ka Catholic Youth SC kim shym la lah ban thep kol haduh kaba kut ka jingïalehkai.
