Shillong, Risaw 17
Ïa kane la pyntikna da ki nongïalam jong ka Mawkaton Sports Club ha kaba ki la ong ba ka klob ka pyntip sha ki paidbah riew ieit phutbol jong ka dong bad ka thaiñ hi baroh kawei, ba kan pynlong ïa ka jingïalehkai phutbol ba la tip kum ka ‘One Day Football Match’ hapdeng ka Shillong Lajong Football pyrshah ïa ka Assam Rifles ha ka 20 tarik mynta u bnai bad ka jingïalehkai kan long ha ka por 1 baje ha madan Mawkaton.
Ka kynhun ïalehkai ka Jylla, ka Shillong Lajong Football Club bad ka Assam Rifles Football Team kin hiar sha madan Mawkaton West Khasi Hills na ka bynta ka jingïalehkai ba shi sngi ïa kaba la tip kum ka “One Day Football Match’.
Kumta na ka liang ka klob ka khot bad wer ïa baroh ban wan ban sakhi ha katei ka sngi kum ka jingkyrshan lem ïa ka klob bad ka la pyntip ruh ba ka bai rung na ka bynta ki nongwan peit kai kan long T. 50 tyngka marwei.
