Jowai, Risaw 19
Ka Namdong-B bad Ummulong SC kila khur jingjop ha ka 1st Division Football Tournament ba la pynïaid da ka Thadlaskein Sports Association (TSA) ha madan Multi Sports Complex haka 18 tarik Risaw.
Ha ka jingïalehkai ka Namdong-B kala pynliem ïa ka Malngiang SC da 2-0 kol. Ïa ki ar kol jong ka Namdong-B la thep da u Felix Lamare (13) bad Lamchwa Pale (47).
Ha ka jingïalehkai kaba bud, ka Ummulong kala khyrwit 6-0 kol ïa ka Friends United.
Ïa ki 6 kol jong ka Ummulong la thep da u Rikima Shylla (15), Lamphrang Dkhar (41,77), Pyntgen Nongrum (71), Riphio Pale (76) bad Daman Shullai (79).
Ha ka 22 tarik Risaw kan sdang ka jingïalehkai quarter final hapdeng ka Nongkhroh Mawsiang bad Namdong-B haka por 2.00 baje nohphai sngi.
