Tura, Risaw 19
Ha ka jingkhynra pyrshah ïa ki kam khaïi drok, 3 ngut ki suba nongkhaïi drok ki la shah kem noh ha ki pulit ka West Garo Hills ha ka step Sngi Saitjaiñ.
Katkum ka jingïathuh ki pulit, ka kynhun ANTF ha ryngkat ki nongtrei ka Araimile PS, hadien ba ki la ïoh ïa ka jingtip ba hashuwa, ki la pynïeng ïa kawei ka ‘Naka’ ha Upper Damalgre ha kaba, ki la bat ïa kawei ka bos paidbah kaba don ïa u nombor – ML-14-A-1976.
Kitei ki suba nongkhaïi drok kiba kynthup ïa u Ajay Debnath, Niranjan Chakraborty, bad u Suman Sen ki dei kiba wan na Garobadha sha Tura ha katei ka bos paidbah.
Ka jingtalasi ïa kitei ki 3 ngut ki suba nongkhaïi ka la ïalam sha ka jinglap ïa 22 tylli ki tyndong kiba don ïa u suba jingdih ‘heroin’ uba khia 2.1 ‘gram’.
La kem mardor ïa kitei ki 3 ngut bad la kurup noh ïa u drok ba la ïoh.
