Jowai, Risaw 20
Ka lympung ïalehkai 1st Women League Football Tournament 2025 ka la nangjam shaphrang ha kaba ka Sabahmuswang ka la khur jingjop, hadien ba la pynliem noh ïa ka Q.C.S Womem FC da 3-0 kol ha ka lah sngi U Blei.
Ïa kine la thep da ka Pynsaiñdur Phawa ha ka minit kaba 24, kumjuh ka Anika Shylla (27) bad ka Darihun Shylla (51).
Haba phai sha ka jingïalehkai jong ka 13 Chatister Kharkongor Memorial Trophy (1st Division Football Tournament 2025), ka Khliehïongriang ka la pynliem noh ïa ka Lion Sports & Youth Affairs da 3-1 kol.
Ïa ki kol na ka bynta ka Khliehïongriang la thep da u Richard Dhar ha ka minit kaba 45, kumjuh u Shwaki Dhar (55) bad u Heibormi Talang (72). Hynrei ka Lion ka la lah ban pynphai shi kol lyngba u Jervisly Rymbai (61) hashwa ba kan mad ïa ka jingshah rem.
